वीरगन्ज,२३ चैत । वीरगन्जमा आयोजित मधेस साहित्य महोत्सवमा मधेस आन्दोलन र त्यसका उपलब्धिहरु बारे छलफल भएको छ। महोत्सवको अन्तिम दिन शनिबार “समथर मधेस संघर्षका नागबेली” विषयक छलफलमा सहभागी वक्ताहरुले मधेस आन्दोलनका उपलब्धिहरुका बारेमा आफ्ना विचार राखेका थिए।
वक्ताहरुका अनुसार, मधेस आन्दोलनले मधेसीलाई पहिचान र सम्मान दिलाउन केही सफलता प्राप्त गरे पनि अन्य उपलब्धिहरुबाट लाभ उठाउने काम भने नेताहरुले मात्र गरेका छन्, र आन्दोलनमा भाग लिएका सामान्य मधेसी जनताहरु भने ठगिएका छन्। पूर्व राजदूत विजयकान्त कर्णले मधेस आन्दोलनलाई समानताको आन्दोलन बताउँदै मधेसी जनताले भने आन्दोलनबाट प्राप्त अन्य फाइदाबाट बञ्चित भएको उल्लेख गरे।
उनले भने, “मधेसी जनताले पहिचान र सम्मान प्राप्त गरे पनि, अन्य उपलब्धिहरु जस्तै संघीयता र समावेशी प्रतिनिधित्व भने नेताहरुले मात्र हासिल गरेका छन्।” मधेस आन्दोलनका मुद्दाहरु अझै पनि समाधान नहुनु, र सत्ताप्रतिको आकर्षणमा नेताहरुले आन्दोलनका प्रमुख मुद्दाहरुलाई बिर्सिएको उनका भनाइ थियो।
मधेसी दलित अधिकारकर्मी भोलो पासवान र लेखक तुलानारायण साहले पनि मधेस आन्दोलनका मुद्दाहरु र त्यसका उपलब्धिहरुमा मधेसी नेताहरुको एकल लाभको विषयमा चिन्ता व्यक्त गरे। उनीहरुले मधेस आन्दोलनका मुख्य तिर्सना र उपलब्धिहरु भनेका थिए – “मधेसी जनताले आन्दोलनमा शाहदत दिए पनि, उपलब्धिहरु भने नेताहरु र सम्भ्रान्त वर्गले मात्रै लिएका छन्।
